தமிழ்நாடு தவ்ஹீத் ஜமாஅத் காஞ்சி மேற்கு மாவட்டம் ஈஸ்வரி நகர் கிளையின் சார்பாக சென்ற 26-08-2012 ஞாயிற்றுக்கிழமையன்று தீ விபத்தில் பாதிக்கப்பட்டவர்களுக்கு ரூபாய் 50,000/- மதிப்பிலான நிவாரணப் பொருட்கள் வழங்கப்பட்டது.
சென்ற 18-08-2012 சனிக்கிழமையன்று இரவு 11.30 மணியளவில் காஞ்சி மாவட்டம் பல்லாவரம் நகராட்சி 6வது வார்டு ஈஸ்வரி நகரில் ஏற்பட்ட திடீர் தீ விபத்தில் 7 குடிசை வீடுகள் எரிந்து நாசமாகிவிட்டன (இறைவனின் கிருபையால் உயிரிழப்புகள் ஏதுமில்லை). தீ விபத்தால் பாதிக்கப்பட்டு அச்சத்தில் உறைந்து நின்ற மக்களுக்கு உதவியாக உடனடியாக நமது TNTJ ஈஸ்வரி நகர் கிளை களமிறங்கியது. விரைவாக கலந்தாலோசனை செய்து சம்பவம் நடந்த வீடுகளை புகைப்படம் எடுத்து அரசுத் துறை சார்ந்த தேவைகளுக்காக விநியோகம் செய்துவிட்டு, துண்டு பிரசுரங்கள் தயார் செய்து பெருநாள் தொழுகை நடக்கும் கிளைகளுக்கு சென்று தொழுகை முடிந்தவுடன் திடலில் நிதி திரட்டப்பட்டது. மேலும் பல்லாவரம் ஸ்டேஷன் ரோடு மார்கெட் பகுதியிலும் நிதி வசூல் செய்து திரட்டப்பட்ட மொத்த தொகையான ரூபாய் 50,000/- பாதிக்கப்பட்ட மக்களுக்கு பகிர்ந்தளிக்கப்பட்டது. அத்துடன் துணிமணிகள் மற்றும் அரிசி ஆகியவையும் விநியோகம் செய்யப்பட்டது.
மேலும் அவர்களிடத்தில் இஸ்லாத்தின் மனித நேயத்தையும், TNTJ இயக்கப் பணிகளையும், மறுமையில் இறைவனின் கூலியை மட்டுமே எதிர்பார்த்து இத்தகைய பணிகளை செய்கிறோம் என்பதையும் மாவட்ட பேச்சாளர் சகோதரர் நிலோபர் அலி அவர்கள் தெளிவாக விளக்கி உரையாற்றினார்கள். மேலும் அவர்களுக்கு இஸ்லாம் குறித்த புத்தகங்களும் அன்பளிப்பாக வழங்கப்பட்டன.
ஈஸ்வரி நகர் பகுதியில் எத்தனையோ அரசியல் கட்சிகள் இருந்தும் அவர்கள் யாரும் உதவி செய்யாத நிலையில் முஸ்லிம்களின் இயக்கமாகிய TNTJ சகோதரர்களின் இந்த மனித நேயப் பண்பினை மக்கள் வெகுவாக பாராட்டினார்கள். அல்ஹம்துலில்லாஹ் !!
